இயக்குநர் சீமானின் எழுச்சி உரை

சென்னை மாவட்ட பெரியார் திராவிடர் கழகம் சார்பில் 20.7.2008 மாலை 7 மணியளவில் சென்னை எம்.ஜி.ஆர். நகர் மார்கெட்டில் கழக சார்பில் காமராசர் பிறந்த நாள் பொதுக்கூட்டம் வழக்கறிஞர் அமர்நாத் தலைமையில் நடைபெற்றது. கூட்டத்தில் கழகத் தோழர்கள் எ.கேசவன், சா. குமரன், அன்பு தனசேகர், பெரம்பலூர் லட்சுமணன், வழக்கறிஞர் சு. குமாரதேவன், துணைத் தலைவர் ஆனூர் செகதீசன், பொதுச் செயலாளர் விடுதலை இராசேந்திரன் ஆகியோர் உரையாற்றினர். இறுதியில் இயக்குநர் சீமான், ஒன்றரை மணி நேரம் எழுச்சியுரையாற்றினார். அதே பகுதியில் பெரியாரை இழிவாகப் பேசிய பா.ஜ.க.வைச் சார்ந்த எச்.ராஜா எனும் பார்ப்பானுக்கு பதிலடி தந்தா

“நீ எழுதி வைத்த புராணங்களிலுள்ள கதைகளை நாங்கள் கூறினால், ஆபாசம் என்றால், உன் கடவுளும் ஆபாசம் தானே! ராமன், விநாயகன் பிறப்புக்கு இதே கதையைத் தானே நீயும் சொல்வாய்? ஒரே மேடையில் விவாதிக்க தயார்; நீ தயாரா?” என்று சவால் விட்டுக் கேட்டார் சீமான். எங்களுடைய இனமக்களை மூடநம்பிக்கையிலிருந்து திருத்துவது எங்கள் கடமை. அதைத் தடுத்து நிறுத்த நீ யாரடா? என்றும் சீமான் கேட்டார்.

திரண்டிருந்த மாபெரும் மக்கள் கூட்டத்தை உணர்வுகளால் கட்டிப் போட்டது சீமான் உரை. அவரது உரையிலிருந்து...

எங்கள் மீது வைக்கப்படுகின்ற குற்றச்சாட்டு கிருத்துவ மதத்தை, இசுலாம் மதத்தைப் பற்றியெல்லாம் பேசாமல் இந்து மதத்தைப் பற்றியே தாக்கி பேசுகிறார்களே என்பது. இங்கே இருக்கிற கிருத்துவன், முசுலீம்களின் பாட்டனார் யார்? நேரடி வாரிகள் யார்? எப்படி இத்தனை பேர் கிருத்துவனானான், இசுலாமியானான். பார்ப்பனர்களுடைய சாதிக் கொடுமை தாங்க முடியாம தான் இந்த மதங்களை நாடிச் சென்றான். இல்லை என்று மறுக்க முடியுமா?


இசுலாமியனின் வேத நூல் குர்ஆன் ஒவ்வொரு இசுலாமியனும் கட்டாயம் படிக்க வேண்டும்; படிக்கிறான். கிருத்துவ மதத்தின் வேதநூல் பைபிள். ஒவ்வொரு கிருத்துவனும் கட்டாயம் படிக்க வேண்டும். படிக்கிறான். இந்து மதத்தின் வேத நூல் எது? ‘பகவத் கீதை’. யார் படித்தது? பார்ப்பனரை தவிர பகவத்கீதையை படித்த ஒரு இந்துவை சொல்ல முடியுமா? குர் ஆனை படிக்க வேண்டும் என்று இசுலாத்தில் சட்டம் இருக்கின்றது. பைபிளை படிக்க வேண்டும் என்று கிருஸ்துவத்தில் சட்டம் இருக்கின்றது. ஆனால் பகவத் கீதையை படிக்கவே கூடாது என்று பார்ப்பானின் சட்டம் இருக்கின்றது. இப்பேர்ப்பட்ட மதத்தின் பின்னால் நாங்கள் வர வேண்டுமா? என்ன மதம் இது.

இந்த நாட்டில் எல்லா சாதிக்கும் கட்சி இருக்கிறதே! அதேபோல பார்ப்பனர்களும் ஒரு சாதி கட்சி தொடங்கட்டுமே. மதம் இல்லாம ஒரு சாதிக் கட்சியாக வாயேன். ஒரு இடத்திலும் உனக்கு வாக்கு விழாது. ஏனா, நீ ஆயிரத்திற்கு இரண்டு பேரு. அதனால தான் மதத்துக்குள்ளே போயி நீ ஒளிஞ்சுகிட்டு, இந்துக்கு ஆபத்து என்கிறாய்! இந்து என்கிறாயே நீயும் இந்து நானும் இந்து, அப்புறம் ஏன் சாதி? அப்புறம் என்ன பிரிவு? என்ன பிரச்சினை இங்கே? உன் கட்சிக்கு இராமன் தலைவரு. புள்ளையாரு பொதுச் செயலாளர். (சிரிப்பு)

நாங்கள் என்ன கடவுள் இல்லைனா இந்து மதக் கடவுள், கிருஸ்தவ மதக் கடவுள் இருக்குன்னா சொல்றோம்? கடவுள் இல்லைனா மொத்தமாக கடவுள் இல்லை தான். மதம் இல்லைனா எந்த மதமும் எங்களுக்கு இல்லை. சாதி தாண்டி, மதம் தாண்டி கடவுளை மறந்து மனிதர்களை நேசிக்கிற மகத்தான கூட்டம் தான் எங்கள் கூட்டம். எங்களை விட நல்லவர்களை உலகத்திலே எங்கேயும் கண்டுப்பிடிக்க முடியாது. (கை தட்டல்)

மதம் என்பது என்ன? அது ஒரு ‘அபின்’. மாமேதை மார்க்சு சொல்றார், கள்ளுக்ககூட குடித்தால் தான் போதை வரும். மதம் என்று சொன்னாலே போதைவரும் என்றார், எங்கள் அய்யா பெரியார். யானைக்கும், மனிதனுக்கும் மதம் பிடித்தால் அழிவைத் தவிர வேறொன்றும் மிஞ்சாது. நீங்கள் இந்த மதங்களில் எங்களை திணிக்க பார்க்கிறீர்கள். இந்த மக்களை இந்த மதங்களிலிருந்து மீட்க நாங்கள் போராடுகிறோம். இதுதான் வித்தியாசம்.

இந்துக் கடவுளையே குறை சொல்றான் என்கிறாயே. ராஜாவே உன்னைக் கேட்கிறோம். என்னை கீழ்சாதி, வேசி மகன் என்று சொன்னது இந்துக் கடவுள்தானே. அதை எப்படி பொறுத்துக் கொள்ள முடியும். இந்து மதக் கடவுள் பிறப்பைப் பற்றி நீ எழுதின புராணத்திலிருந்து தான் சொல்கிறேன். நீயும் அதைத் தானே சொல்லப் போகிறாய். எந்தப் பார்ப்பானா இருந்தாலும் சரி; சவால் விடுகிறேன். ஒருத்தன் இந்த மேடையிலே ஏறி பேசுடா! இராமன் பிறந்ததை நாங்கள் சொல்றது தவிர, நீ சொல்வது தான் சரி என்று, உன்னால் பேச முடியுமா? ராமன், பிள்ளையாரு எப்படி பிறந்தார்னு, நீ பேசுவதைத் தானே நாங்களும் பேசுகிறோம்; நீயும் அதைத் தானே பேசுவ. நாங்களா பிறப்புக் கதையை எழுதி வைச்சுகிட்டு பேசுகிறோம்? உன் புராணத்துல இருக்குதா? இல்லையா? நீ மூடி மறைக்கிறாய். நான் என் மக்களிடம் வெளிப்படையாக சொல்றேன்.

இதுல இராஜாவுக்கு என்னடா வந்தது? நாங்க தீ மிதிச்சா எங்க ஆளுங்க கரகம் எடுத்து ஆடினா உங்களுக்கு ஏன் கோபம் வருதுன்னு கேட்கிறான். ஒன்னுமில்ல ராஜா அவர்களே, உங்களைத்தான் கேட்கிறோம். அதே கரகத்தை நீங்க எடுத்து ஆடுங்க. உங்க அக்கா தங்கச்சி அம்மா, உங்க உறவுக்காரங்க தீ மிதிங்க. அப்ப நாங்க எதிர்த்து கேட்டால் செருப்பைக் கழட்டி அடிங்க. இந்த தேசத்திலே ஒரு பாப்பாத்தி தீச்சட்டி எடுத்து தெருவுல ஆடி இருக்காளாடா? ஒரு பார்ப்பான் தீ மிதிச்சிருக்கானாடா? காவடி எடுத்து ஆடி இருக்கானாடா? நேர்த்திக் கடனுக்காவது மயிரை வளர்த்து சிரைச் சிருக்கியாடா? இதையெல்லாம் செய்வது என் அம்மாவும், தங்கச்சிகளும் என்கின்ற அவமானத்தினால் தானே நாங்கள் தெருவுல வந்து கத்தறோம். ராஜா, நீ வாப்பா; நீ வந்து தீமிதி; நெருப்புல இறங்கு; என் அருமை மக்களே இத்தனை ஆயிரம் ஆண்டுகளில் ஒரு பார்ப்பான் தீ மிதிச்சிருக்கானா? காவடி தூக்கி ஆடியிருக்கிறானா? அலகு குத்தியிருக்கானா? வேலு குத்தி ஆடியிருக்கானா? பறவைக் காவடியில் தொங்கியிருக்கானா? என்ன செஞ்சிருக்கான். எல்லாத்தையும் கொண்டுபோய் உள்ளே கொடுத்தா சின்ன மணியை அடிச்சிட்டு சுலோகம் சொல்லிவிட்டுப் போயிடுவான்.

அப்புறம் சொல்லுவான், செய்யும் தொழிலே தெய்வம் என்று. ஏன்? நீ செரைக்கற வேலையை செஞ்சிகிட்டே இரு. துணி வெளுக்கிற வேலையை செஞ்சிகிட்டே இரு. நீ பிணம் எரிக்கிற வேலையை செஞ்சிக்கிட்டே இரு. நீ தெரு கூட்டும் வேலையை செஞ்சிக்கிட்டே இரு. அப்போது தான் பார்ப்பான் சொகுசா இருக்கலாம். இப்படி எழுதின வேசி மகனைதாண்டா தேடிக்கிட்டு இருக்கேன் நான்! செய்யும் தொழிலே தெய்வம்னா நீ கொஞ்ச நாள் மலம் அள்ளு, நாங்கள் கொஞ்சம் நாள் மணி அடிக்கிறோம் வா! கொஞ்ச நாள் பொணம் எரியுங்க; நாங்கள் பூஜை பண்றோம் என்று சொன்னா வலிக்குதுள்ளே உனக்கு. இது எவ்வளவு பெரிய மோசடி.

அறிவுலக ஆசான் பெரியார் என்றால் உனக்கேன் வலிக்குது? அத்வானியை சொல்லவா, ராஜா உன்னை சொல்லவா? எந்த ஒன்றையும் சந்தேகி என்றான் சாக்ரடீஸ். எப்பொருள் யார் யார் வாய்க் கேட்பினும் அப்பொருள் மெய்ப்பொருள் காண்பதறிவு என்றார் திருவள்ளுவர். எதையும், ஏன்? எதற்கு? என்று கேள் என்றார் பெரியார். அந்த சந்தேகத்தில் தானே அறிவு பிறக்கிறது. சிவபெருமான் கையில் ஒரு சூலாயுதத்தைக் கொடுத்துவிட்டு அன்பே சிவம் என்கிறீர்களே. அன்பே சிவம்னா அவன் கையில் சூலாயுதம் எதற்கு என கேட்க வைத்ததே அதுதான் பகுத்தறிவு. அந்த பகுத்தறிவு இயக்கத்தின் தலைவர் தான் தந்தை பெரியார்.

ஆதாமையும், ஏவாலையும் படைத்து ஒரு ஆப்பிள் தோட்டத்தையும் படைச்ச ஆண்டவன், எங்க ஆத்தா வீட்டைச் சுற்றி ஏன்டா வேலிக்கருவ மரமா படைச்சான் என கேட்க வைத்த அறிவு பகுத்தறிவு. அந்த அறிவைத் தந்தவர்தான் பெரியார். தட்டுங்கள் திறக்கப்படும் என்று சொன்னீர்களே, ஏன் சாத்தினீர்கள் என்று கேட்பதுதான் பகுத்தறிவு. கேளுங்கள் தரப்படும் என்றீரே பரம்ம பிதாவே!

ஊமை எப்படி கேட்பான் என்று கேட்டோமே அந்த அறிவு பகுத்தறிவு. தேடுங்கள் கிடைக்கும் என்றீரே! குருடன் எங்கே போய் தேடுவான் என்று கேட்பது பகுத்தறிவு. இந்த அறிவை நீ சொல்லித் தரல. அப்படியே நம்புங்கள் என்றீர்கள். என்னை முழுமையாக விசுவாசி என்கிறீர்கள். எதையுமே சந்தேகிக்கக் கூடாது என்கிறீர்கள். அந்த இடத்திலே எங்கள் அறிவை சிந்தனையை நிறுத்தி மடமையிலே மூழ்கடித்தீர்கள். அதிலிருந்து எங்கள் சிந்தனையைத் தூண்டி எங்கள் அறிவில் கிளர்ச்சி செய்து அதை வளரச் செய்த தலைவர் தந்தை பெரியார். அதனால் தான் அவர் அறிவுலக ஆசான்.

நாங்கள் பேசுவது யாருக்காக? எங்கள் உறவுக்காக! ஏன் காட்டு மிராண்டிதனமாக இருக்கிறாய் என்று கேட்கிறோம். அலகு குத்தும் என் அன்பு சொந்தங்களே! இரண்டு தாடைகளுக்கு இடையில் உள்ள மெல்லிய சதைப் பகுதியிலே அலகு குத்துறீங்க; அதே பக்தியை சொல்லிக் கொண்டு நீ சிறந்த பக்தி மானாக இருந்தால் அப்படியே தாடைக்கு மேலே அரை அங்குலம் மேலே ஏற்றி குத்துப் பார்க்கலாம். உன்னாலே முடியுமா? முடியாது. செத்துப் போயிடுவோம் என்று தெரியும். தீமிதிக்கிறாயே நீ சிறந்த பக்திமானாக இருந்தால் நெருப்பு கரியை எடுத்துவிட்டு பழுக்கக் காய்ச்சிய 10 இரும்பு கம்பியை போடுறேன், மிதியடா பார்க்கலாம். அப்படி நீ மிதிச்சிட்டா, அன்றைக்கே நான் இந்த கருப்புச் சட்டையை போடல.

உன்னால் முடியுமா? முடியாது. ஏனா இது அறிவியல், கடவுள் மறுப்பு என்பது விஞ்ஞானம். வீட்டில் தாய்மார்கள் சமையல் செய்யும்போது கீழே விறகு கட்டை எரியும். அதன் நெருப்பு வெளியே வந்தால் கையாலே எடுத்து உள்ளே போடுவார்கள். மேலே ஒரு பானை இருக்கும் அதன் மேலே உலை மூடி இருக்கும். அதை கையால் எடுக்க முடியாது. ஒரு துணியை பிடித்து எடுப்பார்கள். காரணம் என்ன? அறிவியல்! வெப்பத்தை கரி கடத்தாது. உலோகம் உடனே வெப்பத்தை கடத்தி விடும். இது தான் அறிவியல்.

இதை என் சொந்தங்களுக்கு நான் சொல்லித் தராம, நாயே, நீயா சொல்லித் தருவே? எத்தனை ஆயிரம் ஆண்டுகளாக என் இனத்தை மடமையிலே மூழ்கடித்து வைப்பாய்! பாம்புக்கு பால் ஊற்றும் எங்கள் இனத்தின் மடமையை எந்தக் காலத்தில் நாங்கள் விடுவிக்கப் போகிறோம்? நாங்கள் சொல்லித் திருத்த வேண்டாமா? பாம்பு பாலூட்டி இனமே இல்லை என்ற ஒரு உண்மையை சொல்லித் தர தவறிய என் இனத்து மக்களை எப்படியடா திருத்தப் போகிறோம்! பாம்புக்கு பிளவுப்பட்ட நாக்கு அது எதையும் உறிஞ்சிக் குடிக்காது. அப்படியே விழுங்கும். முட்டையைக் கூட கொத்திக் குடிக்காது. அப்படியே விழுங்கும்.

ஆனால் திரைப்படத்தில் குடிக்குதே என்று கேட்கலாம். அது அறிவு கெட்ட முட்டா பயல்கள் எல்லாம் சேர்ந்து மேலும் முட்டாளாக்க செய்கிற முட்டாள்தனம் அது. பாலைக் குடிக்குதே என்பீங்க. அது வாயைத் தைத்து வைச்ச சினிமா பாம்பு ஒரு மயிரும் குடிக்காது. சட்டி மேலே கொண்டு போய் வைப்போம். அது மயங்கிக் கிடக்கும் ஒரு காட்சியை எடுத்துப்போம். பாலை கொஞ்சம் கீழே ஊற்றிவிட்டு திரும்ப காட்சி எடுப் போம். இப்படி மூன்று நான்கு முறை எடுத்து எல்லாத்தையும் ஒன்று சேர்த்துக் கொள்வோம். பார்ப்பவர்களுக்கு பாம்பு சரவரவென பாலைக் குடித்ததுப் போல தெரியும். இதுல ஏமாறுகிறது போல் தான் எங்க சனங்க இரண்டாயிரம் வருடங்களா ஏமாந்து கிடக்கிறார்கள்.

பாம்புக்கு காதுக் கேட்காது. அதற்கு உணர்வு நரம்புகள்தான் இருக்குது. மகுடி ஊதுறவன் அப்படியே நின்னா பாம்பும் அப்படியே நிற்கும். ஆடிக்கிட்டே ஊதுறதாலே அதுவும் ஆடும். இவையெல்லாம் ஒரு அடிப்படை அறிவு. அடிப்படை அறிவுக்கூட வளராத என் இன மக்கள் 21-ம் நூற்றாண்டு வரை வந்து விட்டார்களே என்ற வேதனையில் தானே நாங்கள் எடுத்துச் சொல்றோம். இன்னும் குடகுடமா பாலைக் கொண்டு போய் ஊத்துற மக்களை என்ன சொல்வது ராஜா? ஏன் நீ இதையெல்லாம் சொல்லித் தரலை. ஏன் தெரியுமா?

எம் இனம் அறிவார்ந்த இனமா மாறிட்டா, பார்ப்பானுக்கு ஆபத்து. பிறகு கேள்வி கேட்பான். அது தானே உன் பிரச்சினை. கடவுள் இருக்கா? இல்லையா? என்று எங்கள் மக்கள் முன்னாலே நாங்கள் பேசும் நாத்திகம், எங்கள் மக்களின் விடிவுக்கான நாத்திகம். இன்னும் சொல்லப் போனால், நாங்கள் நாத்திகம் பேசவில்லை; அறிவை பேசுகிறோம்.

நான் மட்டுமா நாத்திகன்? இந்த உலகத்திலுள்ள ஒவ்வொரு மனிதனும் நாத்திகன்தான். எவனாவது மறுக்க முடியுமா? பசிக்கு சாப்பிடுகிற எல்லாரும் நாத்திகன் தான். கடவுள் உங்களை பிறக்க வைச்சபோது நிர்வாணமா பிறக்க வைச்சா நிர்வாணமாக திரிய வேண்டியது தானே? இந்த நாட்டிலே தலைவலி, காய்ச்சலுக்கு திரு நீரைப் பூசிக்கிட்டு கோயிலிலே அங்க பிரதட்சணம் செய்ய வேண்டியது தானே? ஏன் டாக்டர்கிட்ட போறே? நீ டாக்டர் கிட்டே போறப்பவே கடவுளை நம்பவில்லையே, நீ! கோயில் கதவை பூட்டிக்கிட்டுப் போற எல்லாருமே நாத்திகன் தானே. கடவுள் நம்பிக்கை எனக்கா இல்லை, உங்களுக்கும் தானே இல்லை. (கைதட்டல்)

இசுலாமிய கடவுளை கிருத்துவனும், இந்துவும் நம்பல. கிருத்துவ மதக் கடவுளை இசுலாமியனும் இந்துவும் நம்பல. இந்துமதக் கடவுளை இசுலாமியனும், கிருத்துவனும் நம்பல. நாங்க மூன்றையும் நம்பறதில்லை. நீங்க சுத்தி சுத்தி நம்பல. நாங்க நேரடியா நம்பல. நீங்கள் தனித்தனியா சொன்னா அது நல்லது. நாங்க மொத்தமா சொன்னா நாத்திகமா! (கைதட்டல்)

நாத்திகம் என்பது அறிவு. நாத்திகம் என்பது கல்வி. ஒவ்வொரு மனிதனும் கட்டாயம் கற்க வேண்டிய பாடம். கோவிலில் கடவுள் அளவற்ற சக்தியும், அண்டசராசரங்களையும் இரட்சிக்கிற பேராற்றல் கொண்ட அந்த பெருமகனுக்கு எதுக்குடா கதவும், பூட்டும்? ஒரு நாள் அல்ல அரை மணி நேரம் திறந்து வைத்துபார். உன் கடவுள் அங்கே இருக்குதா என்று. கோணிப் பையிலே போட்டு கட்டிக் கொண்டு போயிருப்பான். அப்புறம் போய் போலீஸ் நாயை கொண்டு நக்கிக் கண்டுப் பிடிக்கனும், உன் கடவுளை. அவன் காலடியில் வைத்திருக்கிறாயே ஒரு உண்டியல் அதற்கு எதற்கு ஒரு பூட்டு. ஏன் வங்கிகளைவிட கோயில் உண்டியலில் தான் கொள்ளை அடிக்க அதிகம் பணம் இருக்கிறது.

இந்து மதம் என்பது பார்ப்பனீய மதம். மறுத்துப் பேச முடியுமா? நீயும் இந்து நானும் இந்து. பிறகு ஏன் நீ அய்யரு, நான் பறையரு? இது சாதிய துவேசம் அல்லவா? நபிகள் நாயகம் சொன்னாரா, நான் நான்கு வர்ணத்தைப் படைத்தேன் என்று? கிருஸ்து சொன் னாரா, சாதியை நான்தான் படைத்தேன் என்று.

கிருஷ்ணன் பகவத் கீதையில் சொல்றான், ‘நால்வகை வர்ணாசிரம தருமத்தை நானே படைத்தேன் என்று. அது மட்டுமா சொல்றான்? இதை நானே நினைத்தாலும் மாற்ற முடியாது என்று கிருஷ்ணன் சொல்றான். இது கொடுமையல்லவா? சரி கிருத்துவ மதத்தின் தலைவன் ஒரு கிருத்துவனாக இருக்கிறான். இசுலாம் மதத்தின் தலைவன் ஒரு இசுலாமியராக இருக்கிறான். இந்து மதத்தின் தலைவன் இந்துவாகத் தானே இருக்க வேண்டும். எங்கள் அண்ணன் திருமாவளவன் இந்து தானே! காஞ்சி மடாதிபதியை இறக்கிட்டு திருமாவளவனை 5 வருடம் மடாதிபதியாக்குங்கடா. நாங்க இந்து மதத்தைப் பற்றி பேசலை. (கைதட்டல்)


இராமகோபாலனுக்கு ஒரு கேள்வி!

“கபாலீஸ்வரன் கோயில் உண்டியலை உடைத்து கொள்ளை போய்விட்டது. அந்த உண்டியலை இராமகோபாலன் 5 பேரோடு தூக்கிப் பிடித்துக் கொண்டு கோயில் உண்டியலை களவாடி விட்டார்கள். காவல் துறையே உடனே நடவடிக்கை எடு என்று கேட்கிறான். கடவுள் நம்பிக்கை உனக்கு இல்லையா? இராம.கோபாலன் அவர்களே, கோயில் உண்டியலை கடவுள் காப்பாற்ற முடியல. காலடியில் உள்ள உண்டியலை காப்பாற்ற முடியாத கடவுள் இந்த உலகத்தை காப்பாற்றுது நம்புங்கன்னு இவன் சொல்லி வச்சிருக்கான்.

கோயில் உண்டியல் காணோம் காவல் துறையே நடவடிக்கை எடுக்கனும்னா, கோயில் உண்டி யலையே காவல்துறை தான் காப்பாற்றுதுனா கடவுளைவிட காவல்துறைக்கு சக்தி அதிகம் இல்லையா. அவர்கள் காலில் விழுந்து கும்பிடு.

கேரளாவில் மீரா ஜாஸ்மின் என்ற கிருத்துவ பெண் இந்துக் கோவிலுக்குள் சென்றதால் சாமிக்கு தீட்டாயிடுச்சாம். அப்படியானால் கடவுளைவிட மீரா ஜாஸ்மின்னுக்கு சக்தி அதிகமா? அவர் காலில் விழுந்து கும்பிடுங்க (கைதட்டல்) என்ன பைத்தியக் காரத்தனம். அறிவு கெட்ட நிலை. காலங்காலமாக ஆண்டாண்டு காலமாக இந்த மக்களை சிந்திக்கிற திறனற்று அதே இடத்தில் நிற்க வைத்து வாக்கு பறித்து ஆளவும், வாழவும் பழகிக் கொண்ட பார்ப்பனர்களின் சதி.

இந்து மதம் என்கிறாயே? உன் மதத்தை தோற்று வித்தவன் யார்? இந்து மதம் என்கிற ஒரு மதத்தை உருவாக்கியவனே வெள்ளைக்கார கிருத்துவன் தானே? இல்லை என்று உன்னால் மறுக்க முடியுமா?

யார் இந்து? எவன் கிருத்துவன் இல்லையோ, யார் இஸ்லாமியன் இல்லையோ, யார் பார்சி இல்லையோ, யார் யூதன் இல்லையோ, அவன் இந்த நாட்டில் அரசியலமைப்புச் சட்டப்படி இந்து மதத்தைச் சார்ந்தவன் என்று வெள்ளைக்காரன் எழுதினான். நான் சொல்லவில்லை. இதற்கு முன்னால் இருந்த பெரியவா காஞ்சி சங்கராச்சாரியார் சொன்னார், வெள்ளைக்காரன் வந்தானோ இல்லையோ, நாம தப்பிச்சோம் என்றார். உன் மதம் என்ன நெறிப்படுத்தியது. நீங்க படம் போறீங்க, பக்தி படமா இருந்தா நம்ம பெண்களுக்கு சாமி வருதே. அதே திரையரங்கில் பால்கனியில் உட்கார்ந்து படம் பார்க்கும் பெண்களுக்கு சாமி வந்து, நீங்கள் பார்த்ததுண்டா? காரில் வந்திறங்கி படம் பார்க்கும் பெண்களுக்கு சாமி வந்து ஆடி பார்த்ததுண்டா?

ஒரு பாப்பாத்தி சாமி வந்து, பேய் பிடிச்சி ஆடி பார்த்ததுண்டா? கோயிலுக்கு வெளியே நிற்கும் உழைக்கும் பாட்டாளி வர்க்கம், இந்தத் தமிழன் தானே ஆடுகிறான், சாமி வந்தது என்று. ஆயிரம் ஆயிரம் ஆண்டுகளாக கோயிலின் உள்ளே சிறிய மணியை ஆட்டுகிற ஒரு பார்ப்பானுக்கு சாமி வந்திருக்குதாடா இந்த நாட்டிலே? ஆட மாட்டான், ஏன் தெரியுமா? அவனுக்கு எங்கள் அய்யா பெரியாரை விட நல்லாவே தெரியும் கடவுள் இல்லை என்று. இல்லை என்றால் கோயில் வாசலில் வைத்து சங்கரராமனை கொலை செய்வார்களா? இல்லாத ராமனுக்கு கோயில் கட்டுவானாம்; இருக்கின்ற இராமனை தீர்த்துக் கட்டுவானாம். (கைதட்டல்) என்ன பைத்தியக்காரத்தனம். இதை நாங்கள் கேட்கக் கூடாது; பேசக் கூடாது என்றால் எப்படி? எம் மக்களுக்கு யார் சொல்லித் தருவார்கள்? இதை யார் உணர்த்துவார்கள்? எவ்வளவு காலமாக இதையே சொல்லிச் சொல்லி மடமையில் தள்ளுவீர்கள்?

இந்து மதம், இந்து என்று சொல்லுகிறான் என்றால் எதற்காக? வாக்கு சேகரிக்க. சாதிக் கட்சியாக இருந்தால் எந்த இடத்திலும் கட்டிய முன் பணம்கூட பெற மாட்டோம் என்பது தெரியும். அதனால் தான் கடவுளின் பெயரால் மதத்தின் பெயரால் இங்கே பயன்படுத்தி வருகிறான். எப்படி கிருத்துவனுக்கு பல நாடுகள் இருக்கு, இசுலாமியனுக்கு, பவுத்தனுக்கு பல நாடுகள் இருக்கு. ஆனா, இந்துக்களுக்கு ஒரு நாடு இல்லை. யாரு இந்து இங்கே, தாழ்த்தப்பட்ட பள்ளன், பறையன் இந்துவா, ஏன் இந்த இந்து மதத்தை சாட வேண்டி இருக்கிறது. மக்களே, ஒரு தாழ்த்தப்பட்டவர், ஒரு கிருத்துவனாக மாறிவிட முடியும். ஒரு இசுலாமியனாக மாறிவிட முடியும். ஆனால், இவர்கள் பார்ப்பனாக மாறி விட முடியுமா? ஒரு போதும் இந்த நாட்டில் ஆக முடியாது. அப்படியானால் எது கொடுமை?

தீண்டாமையைப் பற்றி எல்லாம் பேசுவான். ராஜாவே! உன் முதுகில் இருக்கும் பூணூல் உன் தோட்டத்தில் விளைந்ததா? என் தோழன் தோட்டத்தில் விளைந்த பஞ்சாலே தானே பூணூல் செய்து போட்டிருக்கிறாய். அப்போது தீட்டு வரலையா? இந்த நாட்டில் எந்த பார்ப் பானாவது விவசாயம் செய்கிறான் என்று சொல்ல முடியுமா? உழைக்கிற எல்லா வேலையும் செய்து, செல்வங்களை செழிக்க வைப்பது எம்மினம் தானே?

கடவுள் என்கிறாய், இராமன், பிள்ளையார் என்கிறாயே! இராசாவே ஈசுவரன் யார்? ஈஸ்வரி யார்? தாழ்த்தப்பட்டவர்களுக்குப் பிறந்த பிள்ளையார் மட்டுமே எப்படி பார்ப்பான் ஆனான்? இதற்கு பதில் சொல்லுங்கடா.. பிள்ளையாருக்கு மட்டும் காஷ்மீரிலிருந்து கன்யாகுமரி மட்டும் தெருவுக்கு இரண்டு பிள்ளையார் வைத்து கும்பிடுகிறீர்களே! அவனுடைய தம்பி முருகன், அவனும் இந்துக் கடவுள் தானே. அவனே திருத்தணியிலிருந்து வடக்கு நோக்கி ஒரு அங்குலம் நகர்த்துங்கடா பார்க்கலாம். என்ன கொடுமை!

இந்து, இந்து என்று சொல்கிறாயே, அந்த இந்து தானே தமிழ் ஈழமண்ணில் போராடுகிறான். அதற்கு குரல் கொடுத்து, அந்த விடுதலைக்கு போராடேன் பார்ப்போம். அந்த விடுதலைக்காக ஒருத்தனாவது பேசியிருக்கிறீர்களாடா? இந்த நாட்டிலே அது குறித்து சிந்தித்திருக்கிறீர்களா? சிந்திக்க மாட்டீர்கள்.

ராஜா சொல்கிறான், பெரியார் சுதந்திர தினத்திற்கு எதிராக கருப்புக்கொடி ஏற்றிவிட்டாராம். அதனாலே அவர் தேச துரோகியாம். எதற்கு ஏற்றினார் கருப்புக் கொடி என்பது தெரியுமா? சுபாஷ் சந்திரபோஸ் கூட இந்த தேச விடுதலைக்காக இராணுவம் கட்டி போராடியவர். அவர் சொன்னார், சுதந்திரம் வாங்கினால் அதை மக்களுக்கு 20 ஆண்டுகளுக்கு சொல்லாதீர்கள் என்று. அது என்ன குற்றமா? ஏன் சொன்னார்? அடிமைத்தனத்தில் இருந்த மக்களை அதே அடிமைத்தனத்தில் வைத்து கடுமையாக உழைக்கவைத்து வளத்தையும், செல்வத்தையும் பெருக்கிவிட்டு இந்த நாட்டில் சுதந்திரத்தை அறிவித்து கொடுங்கள் என்று சொன்னார் சுபாஷ் சந்திர போஸ்.

காங்கிரஸ் கட்சியை கலைத்து விடுங்கள் என்று நேருவிடம், காந்தி சொல்லுகிறார். ஆனால் நேரு ஒத்துக் கொள்ளவில்லை. தந்தை பெரியார், “ஒரு முழுமையான கல்வி அறிவு இல்லாமல், படிப்பறிவு தெளிந்து சிந்திக்கக் கூட திறனில்லாமல் இருக்கும் மக்களிடத்தில் ஒரு ஜனநாயகத்தை கொடுத்தால், அவனுக்கான சரியான தலைவனை தேர்ந்தெடுக்க முடியாமல் திணறி விடுவான். தவறு செய்து விடுவான் என்று அச்சப்பட்டுத்தான் முதலில் கல்வியைக் கொடு, பிறகு சுதந்திரத்தைக் கொடு என்றார். அந்தக் கல்வியை மறுக்கும் வர்ணாஸ்ரமத்தைப் பாதுகாக்கும் பார்ப்பானின் கீழ் எங்கள் மக்கள் சுதந்திரம் பெறுவதை எதிர்த்தார். எங்கள் நாட்டைத் தனியாகப் பிரித்துக் கொடுத்துவிடு என்றார். அந்த பார்ப்பான் சுதந்திரத்திற்கு எதிராக கருப்புக்கொடி ஏற்றச் சொன்னார் எங்கள் அய்யா. கல்வி அறிவு இல்லாத சுதந்திரத்தை தந்ததால்தான் ராஜாவே நீயெல்லாம் மத்திய அமைச்சராப் போயிட்டே. என் அன்பு மக்களுக்கு வாக்களிக்க தெரியலையே. தனக்கான தலைவன் யாருன்னு தெரியலையே. மூக்குத்திக்கும், பிரியாணி பொட்டலத்துக்கும், 100 ரூபாய் காசுக்கும் வாக்களிக்கும் கீழ்த்தரமான சனநாயக நாட்டில் என்னடா சுதந்திரம் இருக்குது.

தமிழை காட்டுமிராண்டி மொழின்னு சொல்லிட்டாருன்னு, ராஜாவே சொன்னியே. உன் சங்கராச்சாரி, தமிழ் மொழியை நீச மொழி, தேவிடியா மொழின்னு சொன்னானே, அதைவிடவா கேவலமா எங்கள் அய்யா சொன்னார், ஏன் சொன்னார்? இந்த புராண புளுகுகளிலிருந்து இந்த மொழியை பிரிக்க முடியலியே என்ற வேதனையில் சொல்றார்.. அய்யா சொல்றார், ஒருவர் முழுமையான தமிழ் பற்றாளராய், தமிழை விரும்புவாரேயானால் நான் காலங்காலமாக அடிமையாய் இருப்பேன் என்று சொல்றார். ஏன் காட்டுமிராண்டி மொழின்னு சொல்றாரு. உங்க இராமாயணம், மகாபாரதம், பாஞ்சாலி சபதம் என்ற எழவு, கருமாதி, தேவாரம், திருவாசகம், இந்த புராண புளுகுகளை சுமந்த மொழியாக இந்த தமிழ் இருந்து கொண்டிருக்கிறதே என்ற வேதனையில்தானே. மொழியின் மேலே, இந்த நாட்டு மக்கள் மீது பற்று இல்லாமலா தனித் தமிழ்நாடு கேட்டார்?

கூறு போட்ட சமஸ்கிருதம்

அவர் தாத்தா பாட்டி பூர்வீகக் குடி பிறந்த மண் கர்நாடகாவிலே இருக்கு. ஆனால் தனித் தமிழ்நாடு கேட்டு இந்திய தேசிய வரைப்படத்தை தமிழ்நாடு நீங்கலாக எரிக்கிறபோது அவர் தாயக மண்ணான கர்நாடகமும் வரைபடத்தில் சேர்ந்துதான் எரிந்தது என்பதை நீங்கள் மறந்துவிட வேண்டாம். ராசாவே நீ யாரு,இத்தனை ஆயிரம் ஆண்டுகளாக எங்கள் இனத்துக்கு துரோகம் செய்பவர்கள்தானேடா நீங்கள்? இமயம் வரை பரவியிருந்த ஒரு தேசிய இனம் இன்றைக்கு மலையாளிகளாகவும், தெலுங்கர்களாகவும், கன்னடர்களாகவும் பிரிந்துப் போனதற்கு காரணமே பார்ப்பன ஆரிய மொழியான சமஸ்கிருதம் தான். தமிழ் மொழியோடு இந்த மொழியை கலந்து பேசியதின் விளைவு தான் இத்தனை மொழிகள், மறுக்க முடியுமா?

காரியம் என்ற சொல் இருக்கும் போது விசேஷம் என்ற சமஸ்கிருத சொல்லை நாம் பயன்படுத்து கிறோம். அவன் காரியத்தை கெட்டதுக்கு வைச்சான். மகிழ்ச்சி என்ற சொல் இருக்கும் போது சந்தோஷம் என்ற சொல்லை பயன்படுத்தினோம். கோயில் என்ற சொல் இருக்கும் போது ஆலயம் என்று பேசினோம். சோறு என்ற சொல் இருக்கும்போது சாதம் என்ற பேசினோம். மிளகு சாறு என்பதை ரசம் என்றோம். கருவி என்பதை ஆயுதம் என்றோம். இப்படி பேசிப் பேசியே ஏற்பட்ட மொழி திரிபில் கலப்பில்தான் இவ்வளவு பெரிய தமிழ் தேசிய இனம் சிக்குண்டு சிதறிப்போனது என்பது வரலாற்று உண்மை. சேர, சோழ, பாண்டியன் என்ற தமிழ் மூவேந்தர்கள். அதில் சேர மன்னன் மலையாளம் பேசிக் கொண்டு கேரளா போனான் என்பது நீங்கள் ஆய்வு செய்தால் தெரியும்.

இராமனுக்கு என்னடா சக்தி?

நாம் கட்டிய பாலம் எல்லாம் கடலுக்கு மேலே இருக்கிறது. இராமர் கட்டிய பாலம் மட்டும் ஏன் கடலுக்கு அடியிலே போகனும். கடவுளுக்கு சக்தியில்லாமல் போய் விட்டதா? இராமன் எதற்காக பாலம் கட்டினான்? இலங்கைக்கு செல்வதற்கு எதற்காக? இராவணன் இராமன் பெண்டாட்டியை தூக்கிக் கொண்டு போய்விட்டானாம். நாமே அரை மணி நேரம் மனைவியைக் காணவில்லை என்றால் இங்கும் அங்கும் தேடுவோம்; காவல் நிலையத்திற்கு செல்வோம். ஆனால் இராமன் பொறுமையாக குரங்குகளை, அணில்களை கொண்டு பாலம் கட்டிக்கிட்டிருந்திருக்கிறான். அணில் கல் எடுத்துக் கொடுத்ததாம். அணில் கல் எடுத்துக் கொடுத்துத்தான் பாலம் கட்டனும்னா இராமனுக்கு என்னடா சக்தி இருக்கிறது? இராமர் செல்லமாக அணிலை வருடிவிட்டாராம், மூன்று கோடு விழுந்ததாம்.

இந்தியாவிலுள்ள அணிலுக்கு இராமர் கோடுபோட்டார். ஆஸ்திரேலியாவிலுள்ள அணிலுக்கும் கோடு இருக்கிறதே, அதற்கு யார் போட்டது? இராமர் விரல்பட்ட இடம் எல்லாம் கோடா இருந்தால், சீதை வரிக் குதிரையாக அல்லவா இருக்க வேண்டும். (கைதட்டல்) இதையெல்லாம் சிந்தித்துப் பேசினால், இந்துக் கடவுள்களை மட்டுமே பேசகிறார்கள் என்பதா? இவையெல்லாம் கடவுளா? 60 ஆயிரம் பெண்டாட்டிகளைக் கட்டி, 6 ஆயிரம் வருடங்கள் வாழ்ந்தாரு தசரதன். ஒரு பெண்டாட்டிக் கட்டி வாழ்பவனுக்கே இல்லாத பொல்லாத நோய்களெல்லாம் வருகின்றது. 60 ஆயிரம் பெண்டாட்டிகளோடு வாழ்ந்திருந்தா, எயிட்ஸ் வந்தில்ல செத்திருக்கணும். இதை சொன்னா என்ன தப்பிருக்கு.

10 மறுமொழிகள்:

Anonymous,  Fri Sep 05, 02:53:00 PM  

பிரமாதமான பேச்சு!

கலக்கிட்டாரு போங்க!

Haana,  Fri Sep 05, 06:23:00 PM  

யார் இந்து? எவன் கிருத்துவன் இல்லையோ, யார் இஸ்லாமியன் இல்லையோ, யார் பார்சி இல்லையோ, யார் யூதன் இல்லையோ, அவன் இந்த நாட்டில் அரசியலமைப்புச் சட்டப்படி இந்து மதத்தைச் சார்ந்தவன் என்று வெள்ளைக்காரன் எழுதினான்.

>>>> Nichayamaaga Illai. Oru puthakathil padithathaaga naabagam. "There are only two persons in world, Those who were Hindus and those who are Hindus"

Anu,  Fri Sep 05, 07:01:00 PM  

This everyone should read, understand and realize... Hats off to Seeman.. We are in need of more of Seeman like people at this moment.. Hats off to u.. Vijay, for publishing this and updating us..

balachandar muruganantham Fri Sep 05, 07:28:00 PM  

கண்ணை திறந்துவிட்டது இந்த பேச்சு.
காரசாரமாகத்தான் இந்த பேச்சு இருக்கிறது. அறிவாளியாகிவிட்டேன்.

இன்னும் எவ்வளவு தமிழ்ச்சொற்கள் மறைந்து போனதோ....

- பாலச்சந்தர் முருகானந்தம்
உலகம்.net

me Fri Sep 05, 10:26:00 PM  

//Nichayamaaga Illai. Oru puthakathil padithathaaga naabagam. "There are only two persons in world, Those who were Hindus and those who are Hindus"//

அது எவ்வாறு சாத்தியம் ஹானா !

இந்து மதம் தோன்றியதாக கூறப்படும் இடம் இங்கே தானே ?
எந்த புத்தகத்தில் படித்தீர்கள் எனச் சொன்னால் பார்க்கலாம்.

me Fri Sep 05, 10:30:00 PM  

//This everyone should read, understand and realize... Hats off to Seeman.. We are in need of more of Seeman like people at this moment.. Hats off to u.. Vijay, for publishing this and updating us//

மிக்க நன்றி அனு...

மேலும் மேலும் எனது ஈர்த்ததில் மூலம் இம்மாதிரியான பகுத்தறிவு கருத்துக்களை
பரப்புகிறேன்.

me Fri Sep 05, 10:31:00 PM  

மிக்க நன்றி பாலசந்தர்

ஹாரிஸ்(நல்லதமிழன்) Sat Sep 06, 01:03:00 PM  

அருமையான பதிவு ...
முயற்சிக்கு கோடி நன்றிகள் தோழா...

Nilavan Mon Oct 06, 05:40:00 PM  

வருகைக்கும் வாழ்த்துக்கும் மிக்க நன்றி நண்பரே...

வாழ்க தமிழுடன்,
நிலவன்

Pandian Fri Mar 12, 11:41:00 AM  

முருகன் ஏன் வடக்கு இந்திய கடவுள் இல்லை ? GOOD QUESTION

ஏன் சிலைகளுக்கு பூணுல்?
உயர்ந்தவன்- திருப்பதி, பழனி சாமி
உழைத்தவன் & இளைத்தவனுக்கு- கருப்புசாமி, முனிசாமி

பிரமாதமான பேச்சு!

Post a Comment

உங்களின் மறுமொழிகளை இடுங்கள் !